Ef þú ert að lesa þessa færslu þá ertu að öllum líkindum að taka þátt, eða hið minnsta að velta fyrir þér að taka þátt í eyðslulausum febrúar. Mig langar að deila með ykkur reynslu minni af því að taka þátt í áskoruninni, en þetta er í sjöunda skipti sem ég tek þátt.
Reglurnar í eyðslulausum febrúar eru einfaldar. Það á ekki að kaupa neinn óþarfa heldur á að halda sig við nauðsynjavörur, gera matarlista með áætlun hversu mikið verður eytt – og standa við áætlunina. Af því að við erum í föstu þá eru bakarís- og skyndibitaheimsóknir ekki leyfðar heldur er allt keypt úr matvörubúð. Skiptir þar engu þó þú eigir afgang af áætluninni þinni. Sama gildir um innleggsnótur og gjafabréf, það á ekki að nota þau þar sem tilgangurinn er að „detox-a“ alla eyðslu sem er ekki mikilvæg. Þú skilgreinir hvaða útgjöld eru nauðsynleg, en útgjöld eins og matur, lyf- og lækniskostnaður myndi að sjálfsögðu falla undir nauðsynjar. Þú munt finna í byrjun næsta mánaðar breytingar og þú njóta þess betur þegar þú pantar þér næst kaffibolla á kaffihúsi.
Markmiðið með þessari áskorun er að draga úr óþarfa eyðslu, sérstaklega hvað varðar matarinnkaup. Ég reyni að skipuleggja máltíðir mínar betur, geri innkaupalista, og held mig við hann. Ég nota til þess innkaupalista sem ég hef útbúið. Þetta skjal hjálpar mér við að hafa yfirsýn yfir það sem þegar er til í matarskápunum og tryggir að ég noti það sem ég á til áður en ég bæti við inn í skápana. Innkaupalistinn er flokkaður eftir matartegundum - þurrvara, ávextir, mjólkurvara, og fleira - til að auðvelda innkaupin og gera þau hraðari.
Eitt af því sem ég lærði strax við að hefjast handa við þessa áskorun var mikilvægi þess að vera meðvitaður um hvað maður er með heima í eldhússkápunum. Það kemur á óvart hversu auðvelt það er að gleyma sem maður hefur þegar keypt og gleymist innst inn í skápum eða frystinum. Með því að skrá niður hvað er til og hvað þarf að nota upp getum við minnkað sóun og jafnframt sparað peninga.
Það getur sannarlega verið áskorun að kaupa eingöngu nauðsynjar og sleppa öllu óþarfa, sérstaklega í upphafi. Hins vegar hefur reynslan verið afar gefandi og ég hvet öll til að prófa.
Ef þú vilt taka þátt í þessari áskorun eða bara fá hugmyndir um hvernig þú getur skipulagt matarinnkaupin þín, þá mæli ég með því að byrja á því að nota innkaupalistann sem ég hef búið til. Þú getur nálgast hann hér
Að taka þátt í "Eyðslulaus Febrúar" er frábær leið til að endurmeta neysluvenjur sínar og gera breytingar sem geta haft jákvæð áhrif á bæði fjárhag og umhverfi. Með því að fylgja einföldum skrefum eins og að gera innkaupalista, skipuleggja matseðil, og nýta það sem þegar er til í matarskápunum, er hægt að gera stórar breytingar á því hvernig við kaupum inn og neytum matar.
Ég hvet ykkur til að taka þátt með mér í þessari áskorun.
Til að fá frekari upplýsingar um hvað eyðslulaus Febrúar felur í sér og hvernig þú getur tekið þátt, skaltu heimsækja Fundið fé á Instagram. Þar finnur þú allar upplýsingar sem þú þarft til að hefjast handa og gera Febrúar að mánuði sparnaðar og eyðsluleysis